നീയും ഞാനും - You and Me

 ഞാൻ തേടിയതും നീ തേടിയതും ഒന്നാവുമ്പോൾ , നമുക്കായ് ചിലത് ജന്മമെടുക്കുന്നു...! 

നീയും ഞാനും 

ഈ പ്രപഞ്ചം മുഴുക്കെ , 

നീയും ഞാനുമാണ് ! 

ഞാൻ മേഘമാവുമ്പോൾ , 

നീ മഴയായ് നനയുന്നു..!

എന്റെ അഗ്നിഎരിയുമ്പോൾ , 

നിന്റെ വിപ്ലവം ചുവക്കുന്നു ..!

നിന്നിൽ കിളികളുണരുംമ്പോൾ,

എന്നിൽ മധുരമുറയുന്നു..!

എനിക്ക് ലഹരി പിടിക്കുമ്പോൾ , 

നിനക്ക് കവിത ജനിക്കുന്നു ..!

 ഞാൻ സഖാ നീ സഖി ,

 ഞാൻ ശ്വാസം  നീ  ഗന്ധം.. !

 ഞാൻ ജനി , നീ സ്മൃതി ,

 ഞാൻ പുൽക്കൊടി , നീ മഞ്ഞുതുള്ളി ! 

എങ്കിലും ഒരുവേള ,   

പാടി മുഴുമിക്കും മുൻപേ ,

പറന്നകലേണ്ടുന്ന - 

പക്ഷികളാവുന്നു നമ്മൾ ! 

Written on 27/03/2014 ; 03:00 AM[IST] ]  FaceBook Link : https://www.facebook.com/notes/amarnath-sankar/620663031322163 

© Amarnath Sankar 2014 

ഇന്നു ഞാൻ നിന്നെക്കുറിച്ച് ഒരുപാട് ഓർത്തിരുന്നു ! - I thought a lot about you today !

ഓരോ കാലത്തും  ,  സങ്കൽപ്പങ്ങൾക്ക് ഓരോ രൂപങ്ങളായിരുന്നു , ഓരോ എഴുത്തും ഓരോ  നിയൊഗമാവുന്നു  !

ഇന്നു ഞാൻ നിന്നെക്കുറിച്ച് ഒരുപാട് ഓർത്തിരുന്നു !

ഇന്നു ഞാൻ., നിന്നെക്കുറിച്ച്., ഒരുപാട് ഓർത്തിരുന്നു...! 

കണ്ടമാത്രയിൽ ഒരു നിമിഷം , ഭയത്തോടെ മറു നിമിഷം ,

ന്യായവും നീതിയും ഒളികണ്ണിറുക്കുന്ന   പല  നിമിഷം ! 

ഓരോ നിമിഷവും പല പല  ഛായക്കൂട്ടുകൾ  പരീക്ഷിക്കവേ  , 

അപൂർണ്ണവും അവ്യക്തവും ആയി മാറുന്ന മഹാത്ഭുതം ! 

  എന്നിലേയ്ക്ക്  പാറിവരുന്ന,  സ്വർണ്ണനിറമുള്ള  ചിത്രപതംഗങ്ങൾ ,

  ഈ ഉദ്യാനമാകെ നിറയുന്നു , അലസമായ്   നൃത്തം ചെയ്യന്നു ! 

  അവ തലോടിപ്പോകുന്ന പൂക്കളോരോന്നായ് , -

  വിടരുന്നു , മധു പൊഴിയുന്നു  , ഓർമ്മകളണിയുന്നു ! 

ലബനോണിലെ  ഋതുക്കൾ കടഞ്ഞെടുത്ത മുന്തിരിച്ചാറാൽ,-

നിന്നെ അലേപനം ചെയ്യാൻ ,  ഹൃദയ ദൂതുമായി -

ഒരു ഷാരോണ്‍ നദി  എന്നിലൂടെ  ഒഴുകിയതായ് ഞാനറിയുന്നു., 

കത്തുന്ന പകലുകൾക്ക്‌  എന്തോ നിലാവിന്റെ തണുപ്പുണ്ടായിരുന്നു ! 

സഖി ,.ഇന്നു ഞാൻ., നിന്നെക്കുറിച്ച്., ഒരുപാട് ഓർത്തിരുന്നു...!


YouTube Video With Voice Track : 

 [written on 12/02/2014 ; 03:10 AM[IST] ]

Comment Using your Facebook/Yahoo/AOL/Hotmail Account